Cambodia-in election law thlak

Cambodia Parliament chuan nimin khan an ram election law siamṭhain, political party-te chuan pawikhawiha puha thiam loh chantir tawhte thawhpui a khap. He dan siamṭhat hi nakkuma inthlanpui an neih turah Prime Minister Hun Sen kaihhruai, rorellai Cambodian People’s Party (CPP) dinhmun siamṭhatna tura ngaih a ni. Election siam-

ṭhat hnuaiah hian eptu hruaitu hlui, thubuai hrang hranga thiam loh chantir tawh, tuna France rama tlanchhe mek Sam Rainsy chuan politics a khelh chhunzawm ve thei dawn lo a ni. Eptu pawl, Cambodia National Rescue Party (CNRP) chuan election law siamṭhat hi duh loin, nimin National Assembly-a vote lak pawh an boycott a ni.