Japan PM-in cabinet a siksawi dawn

Japan Prime Minister Shinzo Abe chuan thla tharah a cabinet a siksawi dawn.

Kum 2012-a thuneihna a chan hnu-ah tunhnaiah PM Abe-a hi an ram mipuite lakah a tla na lo chho hle a, Tokyo assembly inthlan neihah pawh a kaihhruai party an chak zo lo a ni.

Japan mipuite ngaihdan lak hnuhnung ber, nimina tihchhuahah chuan PM Abe-a duhtu hi 36% chauh an tling a, thla hmasa-a Yomiuri Shimbun chanchinbu-in ngaihdan a lakkhawmah kha chuan Abe duhtu hi 49% an la tling a ni.

G20 Summit hmanga Europe-a a zinnaah, Abe chuan August thlaah a cabinet leh rorellai Liberal Democratic Party (LDP) official-te siksawi an ni dawn tih hi a sawi a, hei hi mipuite rilru chawhthawh thar lehna atana ruahmnna a nih thu a sawi bawk. Hemi rual hian a cabinet member pawimawhte erawh chu thlak danglam an ni dawn lo tih a sawi.

PM Abe hian G20 summit hmanga a zin pah hian Estonia ram tlawh a tum a, mahse an ramah tuilian avanga chhiatna nasa tak a thlen avangin a zin tum hi ṭhulhin an ram lamah a kir leh nghal a ni. Tuilianna bial hi tlawh a tum bawk.