London-a Camden Lock Market-ah kangmei chhuak

London hmarlama Camden Lock Market-ah Pathianni zanlai pelh khan kangmei nasa tak a chhuak a, hliam tuar erawh an awm hriat a ni lo.

Market building chhawng thum leh inchung a kang a, kangṭhelhtu 70 chuang zetin kangṭhelh motor 10 hmangin an ṭhelh a ni. Kangmei chhuahna hmunah hian ambulance crew pawh tirh nghal an ni.

Metropolitan Police thupuangtu chuan zan dar 12.10 velah kangmei chhuah thu hi police-te hriattir an nih thu a sawi a, a hmun an va thlen hian London Fire Brigade-te chu kangmei ṭhelh hian an lo awm tawh niin a sawi. Open-air Camen Market-ah hian dawr 1,000 chuang leh intihlimna hmunte a awm a ni. Kangmei chhuahna hmun bazar hi khualzin leh London-a chengte tlawh nasat ber pawl a ni a, kum 2008 khan market complex ṭhenkhat chu alo kang chhe tawh bawk a ni.