Israel court-in Palestinian politician hren hun pawtsei
Israel military court chuan Palestinian activist leh politician Khalida Jarrar-i a hrenna hun chu darkar 48 atan a pawtsei.
Paleslitinian Legislative Council member leh Popular Front for the Liberation of Palestine (PFLP) hruaitu Jarrar-i hi firfiaka chetnaa inhnamhnawihah puhin Israel sipaite chuan a in dapin an hreng a, Thawhṭanni khan military court-ah a inlan.
Court chuan Jarrar-i hren theih hun hi darkar 48 atan pawtseiin, hemi chhung hian military area commander-te chuan a file-te endikin, administrative detenetion-a dah a nih dawn leh dawn loh an ngaihtuah ang. Administrative detention hnuaia hrente hi an puhna hriattir kher an ni lo a, court-ah an insawifiah phalsak an ni lo bawk. Hren theih hun pawh hi tiam chin awm loa pawhsei theih zel a ni.
Judge-te chuan ni sawm chhungin Jarrar-i hi chhuah a ni dawn nge, thubuai siamsak kher loa hren chhunzawm a ni dawn tih an ngaihtuah ang. Jarrar-i hi nikkum khan thla 15 a tan hnuah chhuah a ni a, mipuite fuipawrh zawnga thu sawiah puh a lo ni tawh bawk.