'Knowing God' ziaktu JI Packer a thi

Evangelical theologian lar, James Innel Packer chu kum 93 mi niin kar liam ta Inrinni khan a thi. 

Packer hian 50 chuang chu Kristian lehkhabu leh article tam tak a ziak hman a, a lehkhabu ziah zinga hriat hlawh ber chu kum 1973-a a ziah, 'Knowing God' tih a ni. He lehkhabu hi ṭawng chi hrang 12 chuanga lehlin niin, copy maktaduai 1.5 chuang hralh a ni. 

Pathiana hriatna leh biakpawhna ṭha neih a, ṭawngṭaina pawimawhna te a ziak nasa hle. England leh Canada-ah awm ṭhin mah se, US-ah hriat a hlawh ber thung a, kum zabi 20-a theologian lar leh ropui ber zingah ngaih a ni.