SKorea-in kum 5 chhungin chenna in mtd 2.7 sak tum

South Korea sorkar thar chuan kum nga chhungin an ramah chenna in maktaduai 2.7 sak hman a tum.

Sorkar chuan Seoul metropolitan area-ah chenna in mtd 1.58 sak hman a tum a, heng zinga chenna in nuai 5-te chu Seoul khawpui chhungah niin, a bak mtd 1.12-te chu khawpui leh province dangah sak tum a ni.

Chenna in 5,20,000-te chu cheiṭhat leh thawmṭhat tura tih niin, metropolitan area-a public home 8,80,000 a tel ang. A bak chenna in mtd 1.3-te chu private sector development project kaltlangin pek a ni ang.

President Yoon Suk-yeol chuan mipui chenna tur indaih lohna hmunah insak sak a lo intiam tawh a, a hmaa roreltute'n khawpui area-a chenna in lei lo tur zawnga mipui fuih a, policy an kalpui dan pawh nasa takin a sawisel a ni. President chuan ṭhalai leh chhungkaw harsa zawkte'n in an lei emaw an luah dawnin a kaihhruai sorkar chuan financial, administrative leh chhiah chungchangah hamṭhatna hrang hrang a pe dawn tih a sawi bawk.