Nigeria President Buhari haw thei thuai dawn

London hospital-a enkawl mek, Nigeria President Mohammadu Buhari chuan hma a sawn zel a, an ramah a haw leh thei thuai dawn niin amah tlawha kal,Vice President Yemi Osinbajo chuan a sawi.

President Buhari-a natna chungchang hi mipuit hriatah kimchanga puanzar a ni lo a, hei vang ngaihven pawh a hlawh hle. Kum 74 mi a ni tawh a, mipui hmaa inlan hnuhhnung ber chu London pana a kal hma, helpawl Boko Haram-te'n an mi mante an chhuah ṭuma lawmna hmuna a kal kha a ni. 

Hemi ṭum hian a cherin a chak loh hmel hle. May 7 khan London-a in enkawl tur hian a kal a, thuneihna pawh Osinbajo hnenah a hlan a ni. January thla khan UK-ah hian a lo inenkawl tawh a ni.