Boris Nemstov thattu kum 20 tang turin hrem

Russia President Vla­dimir Putin-a sawi­seltu langsar, Boris Nemstov-a thattu Zaur Dadayev chu kum 20 tang turin hrem a ni a, a thurualpui mi pali-te chu kum 11-19 in­kar tang tura tih an ni bawk. Russia deputy prime minister hlui leh Putin-a policy sawiseltu, Nemstov hi kum 2015, February 27 zan khan Mos­cow khawpui laili lai, Kremlin bulah a bialnu nena an kal lai chu kahhlum a ni. Nemstov thah a nih aṭanga kum hnih ral hnuah tualthattute hremna tur hi tihchhuah a ni ta a ni. Tualthahnaa inhnamhnawiha puha thiam loh chantirte hi North Caucasus bial mi, Chechen hnam vek an ni.