Syria tualchhung indonaah mi nuai 3.3 chuang thi
Kum ruk chhung Syria-ah tualchhung indona thleng avangin mi nuai 3.3 chuang an thi tawh a, an zinga hmun thuma ṭhena hmun khat chu civil mi an nih thu, Syrian Observatory for Human Rights chuan a tarlang.
Kum 2011 March thla laihawl aṭang khan Syria ramah hian tualchhung buaina hi a chhuak ṭan a, tun thlengin an buaina hi a la reh lo a ni.
Observatory hotu Abdel Rahman chuan tualchhung buaina avang hian kum 2011, March thla leh 2017, July 15 inkarah mi 331,765 an thi niin a sawi a, civil mi 99,6617 an tel niin a sawi. Civil mi thi zingah hian naupang 18,243 leh hmeichhia 11,427 an tel bawk a ni.
Observatory chuan tualchhung indona thlengah hian sipai 61,808 leh Iran thlawp, Lebanese Shiite movement Hezbollah member 1,408 an thi tawh bawk tih a sawi. Hei bakah hian sorkar laka hel 57,000 an thi bawk a ni.