Ram 92-ah Monkeypox kai hmuchhuak tawh

World Health Organization (WHO) director-general Tedros Adhanom Ghebreyesus chuan ram leh territory 92 huamchhungah Monkeypox hri kai mi 35,000 chuang hmuhchhuah an ni tawh a, kar hmasa khan hri kai mi 7,500 awm tharin, 20% velin a pung tih sawi.

WHO hotu hian monkeypox kai hmuh chhuah thar tam ber hi mipa leh mipa inpawlna aṭanga kai an nih thu a sawi. "Europe leh America-a Monkeypox kai zawng zawng deuh thawte hi mipain an mipat pui sex an hmanpui aṭanga kai an ni," a ti. He hri vang hian mi 12 an thi tawh bawk a, hri darh zel tur venna pawimawh ber chu vaccine a nih thu a sawi bawk.

Monkeypox vaccine pawmpui awmchhun hi Bavarian Nordic A/S company siam ani a, mahse ram hrang hrangah hri kai an pun zel avangin vaccine mamawh zat ang a pechhuak thei rih lo. Hei vang hian Denmark company hian an vaccine hi outsource dan a ngaihtuah mek a, US contract manufacturer hnena technology transfer dante a ngaihtuah tel dawn a ni.

WHO-in kar liam taa meeting a kohah,Monkeypox clades pahnih chu Roman numerals hmangin a hming an phuah. Congo Basin emaw Central African clade tiha hriat ṭhin chu clade I tiha thlakin, West African clade chu clade II tihin a hming an thlak bawk.