China aṭanga Israel bungraw lakluh 35%-in a pung

Israel-in China aṭanga bungrua an lakluh (diamond tiam lohin) chu kumina thla sarih chhungin 35% in a pung tih Israel-a Central Bureau of Statistics report, Ningania tihchhuah chuan a sawi.

Kumin January-July thla inkara Israel-in China aṭanga a bungraw lakluh hlutzawng hi USD tld 7.71 a ni a, nikuma hemi thla inkar vek khan USD tld 5.71 a ni tih bureau data chuan a tarlang.

July thla chhung bik khan, China aṭanga Israel-in an lakluh hlut zawng chu USD tld 1.21 niin, hemi thla chhung ram dang aṭanga an bungraw lakluh zawng zawng aṭanga chhutin 14% a tling pha a ni.

Israel-in thla sarih chhunga China hnena a bungraw thawnluh chu USD tld 2.68 a tling a, 6.1% in a pung ve bawk.

Israel-in January-July thla inkar chhunga a bungraw lakluh zawng zawng hi USD tld 64.8 a ni a, 26.5% in a pung. Israel hian USD tld 42.6 hu thawnchhuakin 27.2% in kum hmasa lam aiin a tam.