Venezuela-ah eptu pawlin nawrh huaihawt dawn

Venezuela eptu pawl chuan President Nicolas Maduro-a’n an ram danpui siamṭhat tuma ruahmanna a siam duh lohna lantirin Ningani hian rampum huap nawrh huaihawt an tum.

Thuchhuah siamin, eptute chuan darkar 24 chhung nawrh huaihawt an tum tih an sawi a, he nawrh huaihawt hi zawm leh thlawp vek turin an ram mipuiten an ngen. Pathianni khan eptute hian President Maduro-a’n ram danpui siamṭhat a tum chungchanga mipuite ngaihdan an la a, vote thlak mi maktaduai 19 zinga hmun thuma ṭhen hmun khat chuan danpui siamṭhatu tur, Constituent Assemby thlan tur chu an duh lo tih an sawi. Mahse eptuten mipui ngaihdan lakna hun an buatsaih hi official-a pawmsak a ni lo thung.