Helho nena inbeihnaah Duterte-a guard-te'n hliam tuar

Maoist helhoin an beihnaah Philippines presidential guard pali-in hliam an tuar.

Nimin khan Mindanao thliarkar-a North Cotabato province-ah Maoist helte hian sipai anga inthuamin checkpoint an bei a, Presidential Security Group (PSG) member pali te chuan hliam an tuar a ni. He pawikhawihna thlenna hmunah hian President Rodrigo Duterte hi a awm ve lo nia sawi a ni. PSG commander Brigadier-General Louie Dagoy chuan helho hian guard-te chuanna hi an lo bei niin a sawi. Guard-te beitute hi New People’s Army (NPA) helte an nih thu a sawi bawk.

Mindanao thliarkarah hian hel leh sipaite an la inbei chhunzawm reng a, President Duterte chuan Congress hnenah Mindanao-a martial law puan mek chu kumin kumtawp thlenga puan chhunzawm a duh thu pawh a thlen tawh a ni.

Duterte chuan Thawh­lehni khan sorkar palaite hmuin, PNA-te sorkar sipai an beihte tihtawp an remtih hma chuan inkahhai puanna tur inremna siampui lo turin a ti a, Maoist hruaitute chu an mi leh sate thunun turin a ti bawk.