US-in Iran hrekna thar a siam leh

US chuan Iran-in ballistic missile programme a kalpui chhunzawm zel avangin hrekna thar a siam.

US state department chuan he hrekna thar siam hian mimal leh pawl 18 a nghawng dawn niin a sawi. Heng mi 18-te hian Iran ballistic missile progarmme leh, Republican Guard Corps-te an thlawp niin a sawi.

Iran chu Syria sorkar bakah firfiak pawl Hezbollah leh Hamas-te thlawpah puh an ni bawk. State department chuan Iran chuan Middle East leh Israel dinhmun tiderthawng tu, Hezbollah, Hamas leh Palestinian firfiak pawl dangte a thlawp chhunzawm reng a ni, a ti. Syria President Bashar al-Assad-a kaihhruai sorkarin Syria mite chungah pawi a khawih reng chung pawhin Iran hian Syria sorkar hi a thlawp reng niin a sawi bawk.

Yemen tualchhung buaina thleng mekah pawh Iran hian Houthi helho a puih avangin buaina pawh a chhuah chhunzawm reng phah niin a sawi.

Iran chuan US puhna chu pha thung. Iran foreign ministry chuan thuchhuah siamin, US thu rel dan chu dan kalh leh ṭan lam nei a ni, a ti. US hremna siam chu an chhan let tur thu sawiin, Iran chuan America mi leh company lakah hrekna a siam ve tur thu a sawi bawk.