California-ah ram kang vangin mi 2,000 sawnchhuak

California-a Yosemite khaw bulaa National Park-a kangmei chhuak avang­in Yosemite khuaa cheng mi 2,000-te chu insawnchhuak tura tih an ni. Ram kang hia structure pariat a kang chhe tawh a ni.

Ram kang hi a nasa hle a, Thawhlehni thleng khan ṭhelh theih a la ni lo a, ram km 101 vela bial a kang tawh a ni. Hei vang hian venthawn thilah khawchhunga chengte hi inthiarchhuak tura tih an ni. Thawhlehni thleng khan Yeosmite National Park hi hawn la ni mah se, park panna kawng eng emaw zat chu khar a ni.

California Department of Forestry and Fire Protection (Cal Fire) chuan kangmei kalkawngah hian national park-a power supply line pawh a awm tel niin an sawi. Detwiler Fire tia sawi hi Pathianni chawhnu lam aṭanga chhuak kha a ni. Cal Fire chuan he ram kang hi tlang bulṭhuta thingtlang khaw dang tan pawh a hlauhthawnawm thei dawn niin an sawi. Governor Jerry Brown chuan Thawhlehni khan emergency a puang. Ram kan chhan hi hriat a la i lo a, chhui chian mek a ni.