Pawnfen chhing fen vangin Saudi hmeichhia man

Saudi Arabia-in hmeichhiate inthuam dan tur a duan ang zawm loa pawnfen chhing feng leh crop top ha-a khawlai a chhuak hmeichhe pakhat chu man a ni.

He hmeichhia hi a hming puanzar a ni lo a, police-te chuan an ram khawpui Riyadh-ah thawmhnaw zahawm lo tak a inbel avangin man a nih thu an sawi. Police-te chuan a chungthu hi public prosecutor ngaituah turin a ti a ni. 

He hmeichhiain midang awm loh laia Njad khuaa kulh hlui a fan lai video clip hi Snatchat-ah tihlan a ni a, mi tam takin an sawisel nghal a ni. Twitter lamah pawh he hmeichhia hi man tura an duh thu nasa taka sawichhuah zui a ni a, Saudi rules palzutah puhin Saudi lalram chhunga awm, ramdang mite pawhin danin hmeichhiate incheina tura a duan, thawmhnaw fual, abayas an tih chu an ha ngei tur a ni, an ti.