SKorea leh US-in joint military drill nei ṭan

South Korea leh United States chuan joint military drill an neih tawha lian ber chu nimin aṭang khan an nei ṭan.

Kumtin nipui laia exercise an neih ṭhin, kumin aṭanga Ulchi Freedom Shield tia an thlak hi September 1 thleng an nei ang. May thlaa South Korea president atana lakluh Yoon Suk-yeol chuan combined exercise hi thar thawh leha, NKorea vau leh hlauhna thar tuh leh an tum a ni. SKorea chuan nimin khan ni li awh tur, Ulchi civil defence drill chu a hranin a nei ṭan bawk .

SKorea president Yoon Suk-yeol chuan indo dan kalphung inthlak danglam chho zel hmachhawn tura inbuatsaih leh nunchan lo zirna atan military leh civil exercise-te chu neih a nih thu a sawi. Korean peninsula-ah venhimna ṭha thei ang ber pek chu boruak muanawm a awm theihna a ni tih a sawi bawk.

Ram pahnihten joint drill an neih ṭhin hi NKorea lam chuan a ngaimawh hle thung a, an ram do tura an inpuahchahna niin a puh. SKorea leh US sipaiten preliminiary training an ṭan hma, kar liamta khan a ram khawthlang tuipui lamah cruise missile pahnih a kapchhuak a ni.