Brazil president hlui thil neih khuahkhirh sak

Brazil president hlui Luiz Inacio Lula da Silva chu eiruk thubuaiah thiam loh chantir a nih hnuin, a thil neihte khawih chet theih lohin khuahkhirh sak a ni.

Judge Sergio Moro chuan Lula bank account-a dollar 200,000 dawn la awm pawh block sak a nih thu a sawi. Judge-in Lula thil neih khuahkhirh tura a tih zingah hian, a chenna-in, ram leh car te pawh a tel.

Lula chuan eirua an puhna chu thu dik lo niin a sawi a, politics lama an beihna niin a sawi. Thiam loh chantir ni mah se nakkuma president thlana neih turah chuh a tum thu a sawi a ni. President thlanna neih turah hian Lula hi candidate zinga a langsar ber a ni. Lula hi Brazil ram president ni tawh zinga lar bera chal a ni. Lalu hian Court-in thiam loh a chantirna hi court sang zawkah a appeal mek a, a appeal-na ngaihtuah a nih chhung chuan a thil neihte hi a la hman chhunzawm thei ang. Mahse court-in a appeal-na hi a pawmsak loh chuan a ram leh thil neihte hi laksak leh hralhsak theih a ni thung ang. 

Hei bakah hian politics lama venhima pek pawh tihtawp a ni ang a, kum kua leh a chanve tang tura hremna pek tlak tura jail-ah a luh a ngai dawn a ni. Judge Moro chuan Lula bank account leh a thil neih dang hlut zawng chu dollar maktaduai 4.3 hu a tling niin a sawi. A thil neih zingah hian flat pathum, ram zau tak, car pahnih leh bank account pahnihte a tel.