John McCain-a'n brain cancer a vei

Veteran US Republican Senator John McCain chu brain cancer a vei tih hriatchhuah a ni a, enkawl mek a ni.

Kum 80 mi, John McCain hi kar hmasa-a a mit vei lam chunglam an zainaah brain cancer a nei tih hi hriatchhuah a ni.

Vietnam veteran, McCain hi sipaia a ṭan laiin hmelmaten manin, kum li chuang zet an hreng a ni. Kum hnih chhung chu midang hmuh theih loa khung hran a ni. A tan chhung hian nghaisak a tawk nasa hle a, hei vang hian a kut dinglamah harsatna tawkin, tun thlengin a lek kang ṭha thei lo a ni. Senator term ruk a chelh tawh a, kum 2008-a US president thlan dawn khan Republican party candidate a ni.

Kar hmasa Zirtawpni khan Arizona-a Pho­nenix-a clinic-ah a mit veilam chunga thisen kal diklo chu zaisak a ni. Mayo clinic chuan thuchhuah siamin, brain tumour hmuhchhuah hi glioblastoma a nih thu sawiin, a mit lama harsatna awm pawh hi a brain tumour nghawng a nih thu an sawi.