Greece-ah lirnghing vangin mi pahnih an thi

Greece rama Kos thliar­karah nimin zing khan magnitude 6.5-a nain lir a nghing a, in tam tak a sawichhiat bakah lirnghing vanga chhiatna thlengah mi pahnih an thi a, mi 100 chuangin hliam an tuar.

Lirnghing inṭanna hi Kos thliarkar aṭanga khawchhak lam km 16.2 vela hla a ni a, Turkey resort, Bodrum aṭanga chhim lam km 10.3 vela hla a ni bawk. Kos mayor Georges Kyritsis chuan lirnghing vanga thi mi pahnihte chu ramdang mi an nih thu a sawi.

Lirnghingin in Kos-ah chenna-in eng emaw zat a sawi chim a, in chim hnuaia tang an awm leh awmlohte zawn hna thawh nghal a ni a, sipaiten chhanchhuah hna an thawk mek a ni. Kos regional government official Giorgos Halkidios chuan hliam tuar zingah ngaihtuahawm tak tak an awm tih a sawi.