Venezuela-a nawrh huaihawtnaah buaina chhuak

Venezuela-a eptute chuan Ningani khan an President Nicolas Maduro-a’n ram danpui siamṭhat a tum duh lohna lantirin rampum huap­in nawrh an huaihawt a,nawrh huaihawtna hmun hrang hrangah buaina a chhuak a ni.

Nawrh huaihawt leh police-te inkara buaina chhuak vangin mi pathum an thi a, mi 300 chuang man an ni bawk. President Maduro chuannawrh huaihawtnaa a hruaitute chu man an nih tur thu a sawi.

Kumin April thla aṭang khan eptute chuan President Maduro leh a kaih­hruai sorkar duh lohna lantir hian nawrh an lo huaihawt tawh a, nawrh huaihawtna hmun hrang hrangah mi 100 chuang an thi tawh a ni. Ningani-a nawrh huaihawt hi an ram khawpui, Caracas leh khawpui lian dangah neih a ni a, eptute chuan an thil phut chu an ram mipui 85% in an thlawp niin an sawi.