Firfiakte pawikhawihna thlen zat a tlahniam

US State Department chuan kum 2016 chhung khan khawvel hmun hrang hrangah firfiakte pawikhawihna thlen zat chu a hma kum aiin a tlahiam niin an sawi.

Firfiakten pawikhawihna an thlen zat hi kum 2015 aiin 2016-ah 9% in a tlahniam a, pawikhawihna thleng avanga thi zat pawh 13%-in a tlahniam a ni. Firfiakte chet hluar­na - Afghanistan, Syria, Nigeria, Pakistan leh Yemen-ahte pawikhawihna thleng hi a tlahniam a ni.

Sunni militant group, Islamic State chu firfiak pawl zingah hlauhawm berin, kum 2016 chhung khan Iraq rama an pawikhawihna thlen zat chu 20%-in a pung a, thihna thleng zat pawh 69% in a pung bawk.

State Department tana University of Maryland-in data a lakkhawmah, kum 2016 chhung khan khawvel ram hrang hrangah firfiakte pawikhawihna ṭum 11,072 a thleng a, mi 25,600 chuang thihna an thlen a ni. Firfiakte hian ram 104-ah pawikahwihna hi an thlen a, mahse a tam ber chu Iraq, Afghanistan, India, Pakistan leh Philippines-a thleng a ni.

Firfiakte pawikhawihna thlen avanga thi zinga hmun li-a ṭhena hmun thum chu Iraq, Afghanistan, Syria, Nigeria leh Pakis­tan ami an ni bawk.