Russia PM-in Covid-19 a kai

Russia prime minister Mikhail Mishustin chuan Covid-19 a kai tih president Vladimir Putin a hrilh hnuah, PM hna a chawlhsan lailawk dawn tih a sawi.

Mishustin hian hri a kai chhunga PM hna lo thawk turin deputy prime minister Andrei Belousov chu a rawt a ni. Mishustin hi Russia ram hruaitu lute zinga Covid-19 kai hmasa ber nia hriat a ni. 

January 16 khan Putin chuan an ram PM atan Mishustin hi a ruat a, hri dona kawngah hian Mishustin hi a khaipa berte zinga mi a ni. Hri a kai tih Putin a hrilh hnu hian a inkhunghran nghal dawn tih a sawi. Mishustin chenpuite bakah a hna thawhnaa amah hnaihtute zawng zawng pawh khunghran nghal vek an ni bawk. 

January 31 khan Russia-ah hian Covid-19 hri kai hmasa ber pahnih an awm tih hriat a ni a, May 11 thleng lockdown puan a ni. Nimin thleng kha chuan hri kai hi mi 1,06,498 an awm tawh a, heng zinga mi 11,619 te chu enkawl dam tawh niin, he hri vang hian mi 1,073 an thi tawh a ni.