Finland PM-in Drug Test a paltlang

Finland prime minister, kum 36 mi Sanna Marin chu social media lamah an ṭhianhoa an party lai video a darh avanga sawiselna nasa tak a tawh avangin drug test a nei a, a fihlim tih a office chuan Thawhṭanni khan a sawi.

Sanna Marin-i taksaah hian cocaine, amphetamine, cannabis leh opioids a awm leh awm loh en nan urine sample test neih a ni tih special adviser to the Prime Minister, Iida Vallin chuan a sawi.

PM office chuan Marin hi drug test neihsak a nih hnuah a fihlim thu sawiin, a result chu doctor-in a hming a ziahhnan a ni, a ti.

Kar hmasa khan Marin hi a ṭhian leh celebrity ṭhenkhatte nen an party-na a lam lai video a darh a, hei hian khawvel ngaihven leh sawisel a hlawh nghal hle. Marin hian a ṭhiante nen intihhlimnan hun an hmang a, video pawh hi mimal ina lak a nih thu a sawi.

Marin hian kalkhawm zingah damdawi rui an awm lo tia a phat rualin zu an in tih erawh a pha lo thung a ni. "Ka damchhung zawng, ka tleirawl lai pawhin damdawi ka la khawih chhin lo," a ti.

Marin hi a official residence-ah party a huaihawt ṭhin avangin sawisel a lo tawk tawh a, kum 2021 December thla khan, Covid-19 hluar zual laiin varṭian thlenga intihhlimna hun an hman avangin sawisel a lo ni tawh bawk.