Syria sipaiten inkahhai puang

Syria sipaite chuan an ram khawpui, Damascus pawn lam, Eastern Ghouta bialah inkahhai an puang.

Easter Ghouta bial awptu, helho lakah hian sipaite hian beihpui an thlak reng a, mahse Russia a inrawlh hnuah Inrinni khan inkahhai puan hi an remti ta a ni. Syria sipai chuan inkahhai puan hi Inrinni zing dar 9 aṭang khan hman ṭan nghal a nih thu a sawi.

Inkahhai puan a nih thu an sawi rualin, Syria sipaite chuan an inremna palzut zawnga helho an che a nih chuan na taka an chhan let nghal tur thu an sawi. Helpawl, Faylaq al-Rahman pawhin inkahhai puan chu ṭha an tih thu sawiin, sorkar chu a thutiamte vawng turin a phut.