China-in thliarkar inchuhah cinema theatre a hawng

China chuan a ram ṭhenawmte nena neitu nihna an inchuh mekna, South China Sea-a Yongxing thliarkar­ah cinema theatre a hawng. Hei hi he thliarkar chungah thuneitu a nih a lantir tumna pakhat anga ngaih a ni.

Pathianni khan cinema theatre hawn thar, Sansha Yinlong Cinema-ah hian Chinese movie ‘The Eternity of Jiao Yulu’ chhuah a ni a, thliarkara cheng leh sipai 200 chuangin an en a ni. Hall enkawltu, Hainan Media Croup general manager Gu Xiaojing chuan, cinema hall-ah hian nitin film pakhat tal tihchhuah a ni dawn tih a sawi. Theatre hi 4K digital projector leh 3D screen hmanga thuam a ni.

Yongxing hi South China Sea-a thliarkar awmkhawm zinga a lian ber niin, he thliarkarah hian mi 1,000 vel an cheng a, sipai eng emaw zat an awm bawk. South China Sea hi China, Viet­nam, Philippines, Malaysia, Brunei leh Taiwan-te’n an inchuh mek a ni.