Thosi-in Covid-19 a pu darh thei lo

Scientist-te chuan khawvela hripui leng mek, Covid-19 chu thosiin mihringah a pu darh thei lo tih an sawi. 

Scentific Reports-a zirchianna an tihchhuah­ah, scientist-te chuan World Health Orga­nisation (WHO) in Covid-19 thlentu, SARS-CoV-2 chu thosi aṭangin a pu darh thei lo tih a lo sawi tawh a, hemi finfiahna tur hi an nei ta niin an sawi. 

Zirchianna hi Kansas State University-a Bio­security Research Insti­tute-ah an nei a, thosi chi hrang - Aedes aegypti, Aedes albopictus leh Culex quinquefasciatus-ahte zir chiangin, mihringah he hri hi an thehdarh thei lo tih hi an finfiah a ni.