North Korea hotuin official-te a ban
North Korea ram hotu, Kim Jong-un chuan hospital project-a official ṭhenkhat chu mipuite sum thawh tura an nawr avangin a ban.
Kim Jong-un hian Working Party din champha vawi 75-na pualin nikum October thla khan Pyongyang General Hospital sakna tur thupek hi a tichhuak a ni. Mahse tunhnaia hospital sak mek hi a tlawh ṭumin, hna an thawh danah a lungawi loh avangin project manager-te a ban a, construction coordination commission chu hospital sakna tur budget-te hmang ṭha lo leh, mipui nawlpui hnen aṭanga in sakna tur hmanruate laksak an nih dante a sawipui bawk.
NKorea state news agency, KNCA Kim hian hospital sakna tura mipuite harsatna an siamsak avangin official-te chu na takin a hau tih a tarlang a, hei hi an party kalphung a ni lo tih a sawi.