Pakistan-a bomb puakah mi 26 an thi

Pakistan-a Lahore khaw­puia Punjab Chief Minister Shahbaz Sharif-a chenna-in bulah Thawhṭanni khan thihchilh bomb a puak a, mi 26 an thi a, mi dang 60 velin hliam an tuar.

Police official-te chuan bomb tipuaktu hi motorcycle-ah chuangin a bomb pai hi Kot Lakhpat-a thlai zawrhna bazarah a tipuak niin an sawi. Bomb puahna hmun hi Punjab chief minister Sharif-a residence-cum-office aṭanga meter 100 vel chauha hla a ni. CM Sharif-a hi Prime Minister Nawaz Sharif-a unaupa a ni. Thihchilh bomb puaka thi zingah hian police pakua an tel a, an zinga pahnih chu officer an ni.

Tehrik-e-Taliban Pakistan (TTP) chuan bomb hi an pawl tihpuah a nih thu sawiin, a tipuaktu chu suicide squad member Fida Hussain Swati a nih thu an sawi.