Duterte-a’n ruihhlo do chhunzawm zel a tiam

Philippine President Rodrigo Duterte chuan an rama ruihhlo do beihpui thlak mek chu ram hrang hrang leh human rights group-te’n sawisel fo mah se chhunzawm zel a tum thu a sawi.

Congress-a thu a sawiah President Duterte chuan he thu hi a sawi a, ruihhlo do beihpui thlak chu tawpsan mai a ni dawn lo tih a sawi. Ruihhlo chu sual tam tak ṭobul a ni a, khawtlang nun tichhetu leh, ramdangin investment an tihtur pawh an tih duh loh phah fo niin a sawi.

Ruihhlo zuar leh ti ṭhinten an sim hma chuan ruihho do beihpui thlak chu an chhunzawm zel tur thu Duterte chuan a sawi a, an ram ṭhalaite nun chhiat chu an phal dawn lo tih a sawi. ‘Keima nun ka ngaihlut ang bawkin midangte nun pawh ka ngaihlu a, ruihhlo zuarte hian naupangte nun an tihchhiat sak a, hrehmun thlengin ka um zel dawn a ni”, a ti.