Taliban-te’n Afghanistan hospital an bei

Taliban firfiakte chuan Afghanistan, Ghor province-a hospital an bei a, mi 35 an thi.

President thupuangtu, Sahh Hussain Murtazawi chuan Taliban firfiakte hi hospital-ah hian lutin, civil mi 35 an that niin a sawi a, an thiltih chu a rapthlak hle tih a sawi. He pawikhawihna thlen hun hi kar kalta kartawp kha a ni a, sorkar chuan pawikhawihna thlen thu hi Thawhṭanni khan a sawichhuak a ni. Mahse Taliban lam chuan sorkar puhna chu thu dik lo niin a sawi thung a, an pawl thupuangtu chuan hospital hmunṭhenkhat chu sipaite nena an inbeihnaah a chhe zawk niin a sawi.