Iran-in enthlatua puh a khaihlum

Iran chuan US leh Israel intelligence agency tana enthlatu nia a puh, Mahmoud Mousavi-Majd chu nimin zing khan a kaihlum. 

Mahmoud hi kum 2018 khan man a ni a, US leh Israel intelligence tana thawkin, Revolutionary Guards commander hlui Qassem Soleimani a enthla niin a puh a ni. Soleimani hi kumin January 3 khan US drone hmangin thah a ni. US chuan Soleimani hi Middle East biala US sipaite beih an nih ṭhinnaa a ruahmantu ber ṭhin niin a puh a ni. 

Kumin June thla khan Iran judiciary chuan Mahmoud hi CIA leh Israel intelligence agency, Mossa nena inzawmna nei niin a puh a, Revolutionary Guard leh Soleiman-a kaihhruai, Quds-te thuruk pawimawh a hrilh ṭhin  niin a sawi.