US House-in Russia, Iran leh NKorea hrekna tur bill pass

US House of Representatives chuan Russia, Iran leh North Korea ram hrekna tur bill a pass.

Congress-a vote laknaah sanction bill thlawp lamah vote 419 tlain, a thlawp lo lamah vote thum a tla.

Russia hi US president thlannaa inrawlha puh a nih vang te, Ukraine leh Syria ram chhung buainaa a inrawlh avangtein a hrekna tur siam a ni a, Iran pawh firfiaka chetna a thlawp avangin hrem tura tih a ni bawk. Bill hi Senate-ah ngaihtuah tura thawn leh a ni ang. House Speaker Paul Ryan chuan an bill pass tak chu an ram chanchina sanction package huam zau ber zinga mi a nih thu leh, hei hi America mipuite himna tura thil pawimawh tak a nih thu a sawi. House foreign affairs committee chairman Ed Royce chuan Russia, Iran leh North Korea chu US himna tiderthawng thei leh, an ṭhenawm ramte tana ngaihmawhawm an nih thu a sawi a, na taka chhanlet an hun tawh a ni, a ti.

Senate Minority Leader Charles Schumer pawhin House-in sanction bill a pass aṭang hian, Russia President Vladimir Putin chuan US inthlannaa inrawlhte chu an ngaizam mai mai lo tih a lo hriat phah dawn a ni, a ti bawk.