Egypt court-in mi 43 Damchhung tang turin hrem

Egypt criminal court chuan kum 2011-a sorkar laka lungawi lohna lan tirna thubuai a ngaihtuahna kal zelah mi 43 chu damchhung tang turin a hrem.

Mi 43-te hi kum 2011, December thlaa Cairo-a police leh sipaite nen an intihbuai ṭuma tharum thawhna thlen, sorkar thil tichhia leh security force-te beiah puhte an ni. Hemi ṭuma buaina chhuakah hian mi 17 an thi a, mi 2,000 chuangin hliam an tuar a ni.

Thiam loh chantirte hi sorkar hmun pawimawh an tihchhiat avangin Egyption pound maktaduai 17 (US dollar 948,661 ) chawi tura tih an ni bawk.

Mi pakua chu kum 10 tang tura hrem an ni bawk a, hetih lai hian mi 92 te chu thiam chantir an ni thung. Thiam loh chantite hian court sang zawkah an appeal thei ang. Egypt ramah chuan damchhung tang tura tihte tan chhung hi kum 25 a ni.