Vatican-in fountain-a tui chhuak titawp

Rome khawpui leh a chhehvel bialah kumin chhungin ni 26 chauh ruah a la sur a, hei vang hian tui lam indaih lohna an tawk mek. Tui lama indaihlohna thleng mek avang hian Vatican chuan St Peter’s Square leh Vatican Gardens-a fountain pawh a off vek a ni.

Italy hian kum 60 chhung khaw ro ber a tawng mek a, ramchhung hmun ṭhenkhat ruahtui tla zat chu kum danga ruahtui tla zat aiin 80% in a tlem niin meteorologist-te’n an sawi. Khaw kheng vang hian thlai chinna ram tam tak a char a, khaw lum lutuk avangin ram a kang fo bawk a ni.

Lazio region governor chuan Lake Bracciano-a tuite chu lachhuak tawh lo turin a ti a, lui tui hi a phai zel avang­in he luia chengte nunna atan pawh a hlauhthawnawm thei dawn niin a sawi