Blacklist aṭangin Tamil Tigers paih

European Union court sang ber chuan Sri Lanka-a inlakhran duhtu pawl, Liberation Tigers of Tail Eelam (LTTE), Taiml Tigers tia hriat chu terrorism list aṭangin a paih.

Court chuan kum 2009-a Sri Lanka sipai laka an tlawm hnuah khan, LTTE hian pawikhawina an thlen thar leh hlauthawmawmin engmah a awm lo a, hei vang hian list aṭang hian paih a nih tak thu a sawi. EU terrorism list hi kum 2001-a al-Qaida firfiakten US an beih hnuah siam a ni a, he list-ah hian mimal 13 leh pawl 22 telh an ni. An zingah hian Communist Party of Philippines leh Peru-a helpawl, Shining Path-te an tel a, kum 2003 aṭang khan Palestinian pawl, Hamas pawh telh an ni. LTTE hi kum 2006 aṭang khan telh a ni bawk.