Iran-in US hrekna siam chhanletah vau

Iran official-te chuan US-in an ram hrekna thar a siam chu an dem thu sawiin, an chhanlet ve ngei tur thu an sawi.

Iran President Hassan Rouhani chuan cabinet meeting-ah hemi chungchang hi sawichhuakin, Iran chuan a ṭul a tih dan angin a chhang let dawn tih a sawi. Kum 40 kalta chhung khan Iran mipuite chuan US politician leh an sorkar aṭangin hrekna leh puhna hrang hrang an lo tawk tawh a ni, a ti. America chuan Iran ram inrelbawlna leh thiltihtheihna te chu a ngai thei lo niin President Rouhani chuan a sawi.

Thawhlehni khan US House of Representative chuan Iran laka hrekna na zawk siamna bill chu a pawm a, hei hi Iran-in missile program a kalpui chhunzawm zel vang a ni. He bill hi Senate-ah ngaihtuah leh a la ni ang.