Donald Trump-a’n education departmen tan a hlawh a pe

US President Donald Trump chuan a second quarter salary chu US Education department tan a pe tih, White House chuan a puang.

White House Press Secretary Sarah Sanders chuan President hian zirlaiten zirna ṭha zawk an neih theihna kawnga puihna turin a hlawh hi a pe tih a sawi a, Nilaini khan Education Secretary Betsy DeVos hnenah USD 100,000 check a hlan a ni, a ti. Trum phian first quarter salary chu national battlefied-a project pahnih kalpuina turin a lo hlan tawh bawk.

President-in Education department tana a hlawh a pek hnu hian donor pawh an pung chho ve nghal a, department hian donation dollar 260,000 an hmu a ni. DeVos chuan President Trump hian an ram zirlai leh zirna siamṭhatna lam chu a vei hle a, America zirlai tinten zirna sang zawk an neih theih chu a duh a ni tih a sawi a, zirlaite mamawh chu a dah pawimawh hle a ni, a ti. Hemi rual hian zirna lam tihhmasawnna turin tih tur tam tak a la awm thu a sawi bawk. President sum pek chu zirlaite tana STEM-focused camp huaihawtna atan hman a ni dawn tih DeVos chuan a sawi.

Mi hausa tawntaw, President Trump hian inthlan dawna a campaign lai khan president atana thlan tlin a nih chuan president hlawh chu lak a tum lo tih a lo sawi tawh a ni. Mahse US dan hnuaiah president hian a hlawh hi a lak ngei a ngai a, hei vang hian a hlawh a lak hnuah charity tana pek zel a tum thu a sawi a ni.