PTI-in an hotu Imran Khan thusawi tihchhuah khapna hlip turin ti

Pakistan Tehreek-i-Insaf (PTI) chuan Pakistan Electronic Media Regulatory Authority (PEMRA)-in an party chairman leh prime minister hlui,Imran Khan-a thusawi, television channel-a live-a tihchhuah a khap chu hlip tura phutin an khing let.

He khapna siam hi Constitution-in a lo tiam fundamental rights bawhchhiatna a ni, tiin petitioner PTI Sindh president Ali Zaidi chuan a sawi a,"PEMRA thuchhuah hi fundamental rights dan kalh tlat a nih avangin sut leh nghal tur a ni." a ti.

August 21 khan, PEMRA chuan prime minister hlui leh Pakistan Tehreek-e-Insaf Chairman Imran Khan thusawi chu TV channel zawng zawngah tiam chin awm loin live-a tichhuak tawh lo turin a ti a ni.

Media watchdog chuan PM hlui thusawite chu uluk taka delay mechanism hmanga an endik hnuah, PEMRA dan a zawm ngei em tih finfiah hnuah chauh chhuahchhawn phalna an pe thei tih an sawi.