Pakistan Court-in PM Sharif-a a disqualify
Pakistan Supreme Court chuan an ram Prime Minister Nawaz Sharif-a chu eirua puhna chungchangah chhui a nih hnuah PM a nihna a disqualify.
Panama Paper putru aṭangin Sharif hian ram pawn lamah sum chheprelh eng emaw zat neiin, a fate hmingin ran pawnah company-te an nei nia tarlan a ni. Hei bakah hian London-a Mayfair area-ah apartment a nei nia sawi a ni bawk. Heng a thil neihte hi an chhungkaw thil neih a puanchhuah zingah a tel lo a ni. Mahse an puhna chungchang hian tihdik loh engmah a nei lo niin, Sharif chuan a sawi thung.
Supreme Court judge panga awmna bench chuan nimin khan PM Sharif-a chungchanga thutlukna hi a siam a ni. PM Sharif-a disqualify a nih thu tihchhuah a nih veleh hian buaina a chhuah venthawn thilah an ram khawpui, Islamabad leh a chehvelah venhimna tihkhauh nghal a ni a, sipai leh policeṭhahnem tham tak duty-tir an ni.
Judge zinga pakhat, Ejaz Afzal Khan chuan Sharif-a chu Parliament member ni zui tlak a ni lo tiin a sawi a, court chuan Sharif-a bakah a fanu Mayram leh a makpa Safdar, Finance Minsiter Ishaq Dar leh midangṭhenkhatte lakah eiruk thubuai siamsak turin a ti nghal bawk.
Pakistan prime minister term thumna chelh mek, Sharif-a hian a term hi kum khat velin a la hmang zo lo a, Pakistan-ah hian civilian prime minister zingah full term, kum nga chelh tluan thei an la awm lo.