Thailand lal piancham pualin stamp tichhuak

Thailand lal thar, King Maha Vajiralongkorn-a piancham vawi 65-na chu nimin khan lawm a ni a, hemi pual hian stamp thar tihchhuah a ni bawk.

Kum 70 chhung zet Thailand-a roreltu, Vajiralongkorn-a pa Bhumibol Adulyadej chu nikum khan a thi a, a thih hnuah a fapa hian a ai a awh a ni. Thailand ram mipuite chuan King Adulyadej hi an ngainain a thih pawhin an sun nasa hle. King Vajiralongkorn hi a pa dam laiin nawmchenna lamah a inhmang nasa a, a hun tam zawk chu ram pawnah a hmang ṭhin. Nimin zinga Bangkok Royal Plaza pawna hun hmannaah pawh a inlan lo a ni.