Turkey-ah hmeichhiaten kawng an zawh

Turkey-ah kar kalta Inrinni khan hmeichhia­ten kawng an zawh a, an inthuam dan chung­changa mipate lak aṭanga tharum thawhna leh huatna an tawh ṭhinte avanga an lung­awi lohna an lantir a ni.

Kawngzawh hi Istan­bul khawpuiah huaihawt a ni a, ‘Don’t Mess with My Outfit’ kawngzawh tia vuah a ni. He kawngzawhah hian tel an ṭhahnem hle. Kawngzawhte chuan mipaten hmeichhiate inthuamna tura an pawm loh zinga mi, kekawrbul-te chu an keng lang a ni.

Istanbul-a kawngzawhte hian hmeichhia­ten an thawmhnaw hak chungchangah ṭawngkama beihna leh kutthlak an tuar fo niin an sawi. Kumin June thla khan hmeichhe pakhat, Asena Melisa Saglam-i chu Muslim ho thla serh, Ramadan laia kekawrbul a hak avangin mipa pakhatin kut a lo thlak tawh a ni. Hmeichhe dang, Agysegul Terzi pawh kekawrbul a hak avangin mi pakhatin ramhuai tia koin bus chhungah kut a thlak bawk a ni.