Monkeypox hri kai 21% in an tlahniam

Khawvel pumah kar liam ta chhung khan monkeypox kai chu 21% in a tlahniam a, thla enge maw zat hriin pun lam a pan hnuah Europe-ah chuan tlakhniam lam a pan dawn nia a lan thu World Health Organisation report,Ningania tihchhuah chuan a tarlang.

UN health agency chuan kar khat chhungin hri kai thar mi 5,097 an hmuh belh tih sawiin, Iran leh Indonesia-ah a vawi khatnan hri kai hmuh a nih thu a sawi. April thla tawp aṭang khan ram 98-ah monkeypox hi a darh tawh a ni.

Thla liam ta khan, khawvel huapa hri kai thar aṭanga 60% chu America-ah hmuhchhuah niin, Europe-ah 38% vel hmuhchhuah an ni tawh.

July thla khan monkeypox hri leng vangin WHO-in global emergency a puang tawh a ni.

May thlaa Europe leh North America-a monkeypox a darh aṭang khan, WHO leh health agency dangte chuan hri kai hmuhchhuah zinga a tam zawk chu mipa leh mipa inpawlna aṭanga kai an nih thu a sawi. WHO report thar ber tarlan danin, hri kaite zinga 98% chu mipain sex an hmanna aṭanga kai an nih thu leh, chung zinga 96% chu an mipat pui sex an hmanpui aṭanga kai an ni. "Hri inkaichhawn tamna zingah, sex chu a chhan bul ber niin a lang," tiin WHO chuan a sawi. Monkeypox hri kai zinga 45% chuan HIV an kai tih hmuhchhuah a ni bawk.