Egypt, US leh Spain-in Mediterranean tuipuiah joint naval drill nei

Egypt, United States leh Spain rama navy-te chuan Mediterranean tuipui-ah Inrinni liam ta aṭang khan joint naval drill an nei.

US leh Spain navy lawngte chuan Egypt-a Aexandria Nava Base an tlawh hnuah, joint drill hi an zawm ve nghal tih Egypt sipai thupuangtu Gharib Abdel-Hafez chuan a sawi.

He exercise hian ni sarih chhung a awh dawn a, Egypt multi-mission Gowind-class corvette ENS El Fateh, U.S. missile destroyer USS Forrest Sherman leh Spanish frigate ESPS Almirante Juan De Borbon hmangin nunchan hi an zir dawn a ni.

Navy nunchan zirna piah lamah, he drill-ah hian "duty force-te'n tuipui chhehvelah venhim hna ṭha taka an thawh theihna turin training inang pek bakah, khawvela sumdawnna leh zalenna tibawrhbang theite lungrual taka doremna tur hmalakna pawh a tel a ni," tiin thuchhuahah chuan an tarlang.

Epypt hian tuipui lam venhimna hna leh boruak ṭha a awm theihna turin, Egyptian Armed Force leh ram danga an thawhpuite inkara thawhhona ṭha zawk a awm theihna turin drill hi a buatsaih ṭhin a ni.