US-in missile defence system a enchhin

US chuan Pathianni khan missile interception system chu hlawhtling takin a enchhin.

U.S. Missile Defense Agency (MDA) chuan thuchhuah siamin, US Army nen Terminal High Altitude Area Defense (THAAD) system hmangin missile defence test hlawhtling taka an neih thu a sawi. MDA chuan C-17 military transport aircraft chuan Pacific Ocean chungah medium-range target ballistic missile (MRBM) a kapchhuak a, Kodiak, Alaska-a Pacific Spaceport Complex aṭangin THAAD weapon system chuan lo manin a chhui zui a, a kapfuh niin a sawi. Hei hi THAAD system enchhin ṭum 15-na a ni.