Kabul-a Iraq embassy bulah bomb a puak

Afghanistan khawpui, Kabul-a Iraq embassy bul­ah nimin khan bomb a puak a, police-te chuan thih­chilh bomb niin an sawi.

Security force-te chuan bomb puahna hmun aṭang hian civil mite an lachhuak nghal a, pawikhawihtu zinga ṭhenkhat chu embassy bula in pakhatah an tawm vangin security force-te nen an inkap zui a ni. Bomb puak hian embassy building peng ṭhenkhat a tichhia a ni.

Iraq embassy hi Kabul hmar thlanglama awm a ni a, a chhehvelah hian hotel leh bank eng emaw zat a awm a, supermarket bakah police compound-te pawh a awm a ni.

Kar hmasa khan Kabul khawpuiah hian bomb tipuah a ni lo tawh bawk a, mi 26 an thi a ni. UN-in report a tihchhuah hnuhnung berah, kum 2017 kum chanve chhunga Afghanistan rama pawikhawihna thleng vanga civil mi thi zinga 20% chu Kabul khawpuia mi an ni.

Islamic State (IS) firfiak pawl chuan nimina Kabul-a pawikhawihna thleng hi an pawl tih niin a sawi.