Russia-in a sipai tihlen a tum dan hriatchian a ni lo : Britain

Britain defence ministry chuan Pathianni khan Russia-in a sipai lakbelh a, tihlen a tum chu eng angin nge kalpui a tum tih hriatchian a ni lo tih a sawi.

Russia president Vladimir Putin chuan Ukraine nena an inbeihna thla sarihna kal mekah, an sipaite tihchaknan kar hmasa khan Russia armed forces maktaduai 1.9 ni ṭhin chu maktaduai 2.04-ah tihpunna tur thupek a tichhuak a ni.

UK defence ministry chuan Russia sipaite tihlen a nih dan tur hi a hriatchian a ni lo tih sawiin, sipaite hi lakbelh pawh ni se Ukraine a dona kawngah Russia tha a tihchak phah vak a rinawm lo tih a sawi.

Eng kawng pawh zawh se Ukraine nena an inbeihna kawnga nghawng thui tak a nei pha dawn lo tih sawiin, "Russia hian sipai sing chuang an chan tawh a, servicemen tlem chauh lakluh thar an ni a, tihluihna hmanga sipaia lakte chu dan ang tak chuan Russia territory pawnah hna an thawk thei lo," tiin ministry chuan twitter-ah a tarlang.