JuD hotu hren hun pawtsei

Pakistan-a Punjab sorkar chuan house arrest-a hren mek, Jamaat-ud-Dawah (JuD) firfiak hotu, kum 2008-a Mumbai khawpui beihnaa mawhphurtu bera puh, Hafiz Saeed-a hren hun chu thla hnih dang atan a pawtsei.

Pakistan sorkar hian kumin January 30 aṭang khan Saeed leh an pawl hruaitu dang pali-te chu ram himna leh remna leh muanna tichhe zawnga cheah puhin Anti Terrorism Act 1997 hnuaiah ni 90 chhung atan pawn chhuak thei loin a hreng a ni. JuD hruaitu dang hrente chu - Abdullah Ubai, Mallik Zafir Iqbal, Abdul Rehman Abid leh Qazi Kashif Hussain te an ni.

Saeed-a house arrest-a hren hun chhung hi the Punjab Maintenance of Public Order hnuaiah pawhsei a ni. Punjah sorkar chuan Saeed-a hren hun pawhsei hi federal interior ministry rawtna anga siam a nih thu a sawi.