Trump-a media chief ban nghal a ni
White House communication director Anthony Scaramucci chu a hna thar ni 11 chauh a thawh hnuah ban leh nghal a ni.
Wall Street financier hlui, Scaramucci hian reporter hnena a thawhpuite chungchang a sawi danah sawisel a hlawh hle a, President Donald Trump pawh a lakah a lungawi lo nia sawi a ni. Banna tur thutlukna hi Trump-a chief of staff thar, General John Kelly-a rawtna anga siam nia sawi a ni.
Trump-a thupuangtu, Sarah Sanders-i chuan president chuan reporter hnena Scaramucci thusawi dan chu thil awm lo tak, a dinhmun nena inhmeh lo tak nia a ngaih thu a sawi.
New Yorker magazine-in kar kalta Ningani-a Scaramucci-a nena an inkawmna a tihchhuahah chief of staff hlui, Reince Priebus chungchang a sawinaah thuruk puangzartu, mi a tiin a sawi a, White House-a thawk dang Steve Bannon pawh mahni intihlar tum tiin a sawi bawk a ni.