Spain-ah Covid-19 vanga thi zat tlahniam zel
Spain ramah coronavirus kai thar leh he hri vanga thi zat an tlahniam zel.
Kar liam ta Inrinni khan Spain ramah hian hripui vanga thi hi mi 164 an awm a, hei hi March 18 hnu lamah ni khata hri vanga thi an tlem ber ṭum a ni. Coronavirus vanga thi hi mi 25,264 an tling tawh a ni.
Health ministry chuan Inrinni vek khan hri kai thar 884 awmin, hri kai hi an vaiin mi 1,17,466 an tling tawh a ni. Madrid leh Catalonia bial chu hri leng tuar nasa ber an ni.
Hri leng hian ziaawm lam a pan ṭan vangin Inrinni aṭang khan khuahkhirhna pawh thladul ṭan ani a, kar sarih vel inkharkhip hnuah puitlingte chu insawizawi tura pawn an chhuah phalsak a ni.
Prime minister Pedro Sanchez chuan inkharkhipna khauh taka an kalpui chu a hlawhtlinna an hmu chho ṭan tih sawiin, an rama hri leng chuan ziaawm lam a pan zel tih a sawi. Khuahkhirhna pawh thlahdul chhoh zel a ni dawn a sawi.